كيكة بالقهوة هشيشة و لذيذة

الأربعاء 26 مارس 2014
أخر تحديث : الأربعاء 26 مارس 2014 - 8:10 مساءً

اول حاجة غنحضرو لاكريم

مقادير لاكريم

* بيضة
* 2 فرماجات متلتين عوضتهم بالمربعين
*دانون من الافضل بيرلي انا ممتوفرش عملت يوغورت كريمي طبيعي

*كاس صغير سكر

1

طريقة تحضير لاكريم

نخلطو السكر مع الفرماج مزياااان تم نضيف البيضة واليوغورت
3

نتركو الكريمة على جنب ونحضرو الكيك

مقادير الكيك

*4 بيضات
*كاس سكر (عملت كاس صغير )
*نصف كاس زيت
*كاس قهوة معصرة وباردة
*فاني
*2خمارات حمرين
*الدقيق حسب الخليط تقريبا 2 كيسان ونصف
4
طريقة تحضير الكيك

نخلطو البيض والسكر والزيت والقهوة جيدا
تم نضيف الدقيق الفاني و الخمارة
نصبو الكيك فمول مدهون ومغلف بورق المطبخ
5
تم ناخدو الكريمة ونصبوها كيف واضح بالصورة
6
ندخلوها للفرن ونحضرو السيرو لسقيها

*6 حبات شكلاط
*كاس صغير قهوة معصرة
2 معالق عسل
طرف صغير زبدة

ندوبو الزبدة ونضيفو ليها الشكلاط تم القهوة والعسل نحركو ونصبو الخليط فوق اليك مباشرة ونزينو حسب الرغبة
7
هنا فالتجربة الاولى
8

9

10

11

رابط مختصر